भीम अस्पताललाई कोभिड–१९ द्रुत प्रतिकार्यका लागि स्वास्थ्य सामाग्री प्रदान

भीम अस्पताललाई कोभिड–१९ द्रुत प्रतिकार्यका लागि स्वास्थ्य सामाग्री प्रदान

बिकास तथा प्रकोप ब्यबस्थापन केन्द्र नेपाल सिडिएम नेपालले भिम अस्पताल भैरहवालाई स्वास्थ्य सामाग्री प्रदान गरेको छ । कोभिड–१९ द्रुत प्रतिकार्य कार्यक्रम अन्तर्गत सिडिएम नेपालले अस्पतालका लागि आवश्यक पर्ने विभिन्न स्वास्थ्य सामाग्री हस्तान्तरण गरेको हो । अस्पताल बिकास समितिका अध्यक्ष नारायण प्रसाद भण्डारी, मेडिकल सुपरिटेन्डेन्ट सकुन्तला गुप्तालाई संस्थाको तर्फबाट  गैरसरकारी संस्था महासंघ नेपाल लुम्बिनी प्रदेश अध्यक्ष गोबिन्द प्रसाद रेग्मी, सिडिएम नेपालका कार्यक्रम अधिकृत स्मृति पाठक तथा संस्थाका सल्लाहकार जगन्नाथ कुर्मीले उक्त सामाग्री संयुक्त रुपमा हस्तान्तरण गरेका हुन ।

हस्तान्तरण गरिएको सामानहरुमा १५ थान ब्लाङकेट, एन ९५ मास्क एक हजार थान, पिपिईसेट २० थान, सेनिटाईजर ५० थान, सर्जिकल ग्लोव ७ सय थान, पिसिआर टेस्टीङ किट ९६ थान, भिटिएम टेस्टीङ किट ३७ थान, एक्सट्रेक्शन किट २५ थान र पल्स अक्सिमिटर ८ थान रहेको छ ।

कार्यक्रममा गैसस महासंघका प्रदेश अध्यक्ष गोबिन्द प्रसाद रेग्मीले कोभिड १९ को द्रुत प्रतिकार्यका लागि महासंघको पहलमा समाज कल्याण परिषद्ले प्रत्येक परियोजनाको वजेटबाट २० प्रतिशत रकम छुट्याउनु पर्ने व्यवस्था गरेको र सिडिएम नेपाल लगायतका सामाजिक संघ संस्थाहरुले मानवीय कार्य तथा स्वास्थ्यको क्षेत्रमा महत्वपूर्ण भुमिका निर्वाह गरेको बताए ।

अस्पताल बिकास समितिका अध्यक्ष नारायण भण्डारीले सामाजिक सघ संस्था हरुको यस किसिमको कार्य प्रसंसनीय भएको उल्लेख गर्दै सामग्री प्रदान गर्ने संस्था भिडिएम नेपाल तथा सम्बन्धित साझेदार संस्था कारितास नेपाललाई धन्यवाद दिए ।

Source: भीम अस्पताललाई कोभिड–१९ द्रुत प्रतिकार्यका लागि स्वास्थ्य सामाग्री प्रदान- CDMNepal

रुपन्देहीका सरकारी अस्पताललाई सिडिएम नेपालद्वारा स्वास्थ्य उपकरण प्रदान

रुपन्देहीका सरकारी अस्पताललाई सिडिएम नेपालद्वारा स्वास्थ्य उपकरण प्रदान

बिकास तथा प्रकोप व्यबस्थापन केन्द्र (सिडिएम) नेपालले रुपन्देहीको देवदहमा रहेको आईसोलेशन सेन्टर (कोरोना अस्थायी अस्पताल)लाई स्वास्थ्य उपकरण प्रदान गरेको छ । दाताको सहयोगमा देवदहको आईसोलेशन सहित लुम्बिनी प्रादेशिक अस्पताल बुटवल र भैरहवाको भिम अस्पतालमा समेत स्वास्थ्य उपकरण प्रदान गरिएको सिडिएम नेपालका अध्यक्ष बिनोद घिमिरेले जानकारी गराउनु भयो ।
कोरोना भाईरस संक्रमणको महामारीबाट जुध्नको लागि स्थानीय सरकारसंग हातेमालो गरिएको बताउँदै सबैको सहयोग र सहकार्यबाट कोभिडलाई कोभिडलाई जित्न सकिने अध्यक्ष घिमिरेले विश्वास व्यक्त गर्नुभयो ।
संस्थाले प्रदान गरेको स्वास्थ्य उपकरण ग्रहण गर्दै देवदह नगरपालिकाका मेयर हिराबहादुर खत्रीले नगरपालिकाले सञ्चालन गरेको आईसोलेशन मात्रै नभएर डाक्टरकै टिममा अस्थायी प्रकृतिको अस्पताल नै सञ्चालन गरिएको उल्लेख गर्नुभयो । उहाँले संस्थाले गरेको सहयोग प्रति आभार व्यक्त गर्दै आगामी दिनमा अझ गहन तरिकाले सहकार्य हुने समेत प्रतिवद्धता व्यक्त गर्नुभयो ।
संस्थाले देवदह आईसोलेशन सेन्टरको लागि बेड, बेडिनङ्क मेटेरियल मटरेस, सिरानी तन्ना समेतको २० सेट, १० थान मेडिकल टेन्ट, १० थान ब्लाङ्केट र ६ थान नेबुलाईजर मेसिन प्रदान गरेको हो ।
त्यस्तैगरी लुम्बिनी प्रादेशिक अस्पतालमा १ हजार पिस एन ९५ मास्क, २० थान पिपिई सेट, ९६ थान पिसिआर टेष्टिङ् किट, ३८ थान भिटिएम टेस्टिङ् किट, २५ थान एक्ट्याक्सन र १० थान पल्स अक्सिमिटर सहित सर्जिकल मास्क तथा सेनिटाईजर प्रदान गरिएको संस्थाका कार्यकारी निर्देशक धर्मराज घिमिरेले जानकारी गराउनु भयो । उहाँका अनुसार भैरहवाको भिम अस्पताललाई १५ थान ब्लाङ्केट, एन ९५ मास्क एक हजार पिस, पिपिई २० सेट, नेगोलाईजर, पोर्टेवल सक्सन सहित सेनिटाईजर तथा सर्जिकल मास्क प्रदान गरिएको छ ।

Source: https://www.lumbinionline.com/30596/